Qax Meşələri Yanır, Gələcək Tüstülənir - Qanunsuz Kömür Biznesi

Bir həftədə təbiətə 129 min manatdan çox ziyan dəydi

Çempionlar Liqası: "Qarabağ" - "Nyukasl" matçının başlama saatı müəyyənləşib

Süleyman Mikayılov adı çəkilməsin deyə tapşırıq verib, kömək vəd edibmiş?

Məhəmməd Əmin Rəsulzadənin doğum günüdür

Prezidentin işdən çıxardığı Süleyman Mikayılov kimdir? - DOSYE

İcra başçısı vəzifəsindən azad edildi - SƏRƏNCAM

Müharibə yaxınlaşır: İran mediasından ABŞ əsgərlərinə tabutda qayıdacaqsınız mesajı

“Yaşıl” dedikləri valyutanın “qara günləri”

Qax Meşələri Yanır, Gələcək Tüstülənir - Qanunsuz Kömür Biznesi

gundem / bolge / video

Oxunub: 69

29 янв 2026 | 10:41

Son dövrlər Qax rayonunun Şotavar kəndi və ətraf ərazilərində meşə sahələri ilə bağlı yayılan görüntülər cəmiyyətdə haqlı narahatlıq yaradıb. Yerində aparılan müşahidələr göstərir ki, bəzi şəxslər tərəfindən ağacların qanunsuz kəsilməsi və kömür istehsalı kimi hallar mövcuddur. Bu cür faktlar bir daha sübut edir ki, təbiətin qorunması yalnız qanunlarla deyil, həm də real nəzarət və vətəndaş məsuliyyəti ilə təmin olunmalıdır.

Azərbaycan dövləti və cənab Prezident İlham Əliyev tərəfindən ekoloji təhlükəsizlik, yaşıllıqların qorunması və meşə fondunun genişləndirilməsi hər zaman prioritet istiqamət kimi müəyyən edilib. Ölkə üzrə həyata keçirilən genişmiqyaslı ağacəkmə aksiyaları, “Yaşıl dünya naminə həmrəylik ili” çərçivəsində atılan addımlar və ekoloji islahatlar bunu açıq şəkildə göstərir. Məhz bu siyasətin davamı olaraq, ayrı-ayrı yerlərdə baş verən qanunsuz halların da aradan qaldırılacağına və məsul şəxslərin cavabdehlik daşıyacağına ictimaiyyət əmindir.

Bu mövzuda Ulu Öndər Heydər Əliyevin təbiətə münasibəti hər zaman nümunə olub. Onun məşhur fikri bu gün də aktuallığını qoruyur: “Hesab edin ki, mənim balalarımın başını kəsiblər.” Bu ifadə ağac kəsilməsinə verilən ən sərt və mənalı qiymətdir. Heydər Əliyevin əsasını qoyduğu ekoloji düşüncə məktəbi bu gün də dövlət siyasətinin ayrılmaz hissəsidir və təbiətə vurulan hər zərər milli sərvətə vurulan zərər kimi dəyərləndirilir.

Baş verənlər bir daha göstərir ki, mübarizə təkcə dövlət qurumlarının deyil, hər bir vətəndaşın məsuliyyətidir. Qanunsuz ağac kəsimi ilə bağlı faktların vaxtında bildirilməsi, ictimai nəzarətin gücləndirilməsi və maarifləndirmə bu kimi halların qarşısının alınmasında əsas rol oynayır. Meşələrimizin qorunması Azərbaycanın gələcəyinin qorunması deməkdir və bu yolda dövlətin qətiyyətli siyasəti ilə cəmiyyətin mövqeyi üst-üstə düşdükdə nəticə qaçılmaz olaraq müsbət olacaq.