20 Yanvar faciəsində 32 il ötür
hadise
Oxunub: 80 155
20 янв 2022 | 05:00
20 Yanvar faciəsində 32 il ötür


Azərbaycan tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrinin ildönümüdür.
"Qanlı Yanvar hadisələrindən 32 il ötür.

1987-ci ilin sonlarında yenidən ortaya atılmış qondarma Dağlıq Qarabağ problemi Azərbaycanın ərazi bütövlüyünün pozulmasına, torpaqlarımızın işğalına, Ermənistanda və Dağlıq Qarabağda yaşayan yüz minlərlə azərbaycanlının öz doğma yurdlarından qovulmasına yönəlmişdi. Keçmiş Sovet İttifaqının iki respublikası arasında başlanan bu münaqişə XIX–XX yüzilliklərdə ermənilərin Azərbaycan torpaqlarında ardıcıl məskunlaşdırılması, habelə xalqımıza qarşı məqsədyönlü şəkildə aparılmış etnik təmizləmə və soyqırımı siyasətinin növbəti mərhələsi idi.

Ermənistan SSR-in respublikamıza ərazi iddialarına, radikal erməni millətçiləri tərəfindən qızışdırılan separatizmə və soydaşlarımız əleyhinə törədilən kütləvi zorakılıqlara SSRİ rəhbərliyinin bilavasitə və ya dolayısı ilə dəstək verməsi, habelə Azərbaycanın o zamankı rəhbərlərinin cinayətkar qətiyyətsizliyi və milli maraqlara zidd addımları xalqımızı respublikanın ərazi bütövlüyünün qorunması naminə ayağa qalxmağa sövq etdi. Beləliklə, respublikada geniş sosial spektrli xalq hərəkatı yarandı və proseslərin gedişi onun tədricən milli azadlıq hərəkatına çevrilməsinə zəmin yaratdı.

Azərbaycan xalqının haqq-ədalətin bərqərar edilməsi uğrunda səsini hiddətlə ucaldaraq imperiya buxovlarından birdəfəlik qurtulmağa can atmasından təşvişə düşən SSRİ rəhbərliyi, əslində, sovet totalitar rejiminin süqutunu daha da sürətləndirən müdhiş cinayətə əl atdı. Mərkəzi hakimiyyət 1990-cı il yanvar ayının 19 dan 20-nə keçən gecə beynəlxalq hüquq normalarını və ölkə qanunlarını büsbütün tapdalamaqla, əhalini xəbərdar etmədən Bakı şəhərində fövqəladə vəziyyətin tətbiqinə başladı. Sovet Ordusu hissələrinin, xüsusi təyinatlı dəstələrin, daxili qoşunların iri kontingentinin və hətta SSRİ-nin ermənilərin sıx yaşadığı digər regionlarından olan ehtiyatdakı hərbçilərin iştirakı ilə həyata keçirilmiş hərbi təcavüz nəticəsində paytaxtda dinc əhaliyə divan tutuldu, yüzlərlə insan qətlə yetirildi, yaralandı və itkin düşdü. Həmin qətliamdan bir gün sonra, yanvarın 21-də xalqımızın böyük oğlu Heydər Əliyev Azərbaycanın Moskvadakı Daimi Nümayəndəliyinə gedərək Bakıda kütləvi qırğın törətmiş SSRİ hakimiyyətini və Azərbaycanın yarıtmaz rəhbərliyini kəskin ittiham edən bəyanat verdi. Azərbaycan xalqının məruz qaldığı bu dəhşətli və amansız terroru dünyanın mütərəqqi qüvvələri də qətiyyətlə pislədi.

Azərbaycanda vaxtında dərindən araşdırılmayan və adekvat qiymətini almayan faciəyə yalnız bir neçə il sonra ümummilli lider Heydər Əliyevin təşəbbüsü ilə dövlət səviyyəsində siyasi-hüquqi qiymət verildi. Azərbaycan Respublikası Prezidentinin “20 Yanvar faciəsinin 4-cü ildönümünün keçirilməsi haqqında” 1994 cü il 5 yanvar tarixli Fərmanında Azərbaycan Respublikasının Milli Məclisinə Qanlı Yanvar hadisələri ilə bağlı xüsusi sessiyanın keçirilməsi məsələsinə baxmaq tövsiyə edildi. Milli Məclisin 1994-cü il martın 29-da qəbul etdiyi Qərarda 20 Yanvar faciəsinin günahkarları konkret qeyd olundu və bu qanlı aksiya Azərbaycanda milli azadlıq hərəkatını boğmaq, xalqın inamını, iradəsini qırmaq üçün totalitar kommunist rejimi tərəfindən törədilmiş hərbi təcavüz və cinayət kimi qiymətləndirildi.

1990-cı ilin 20 yanvarında Azərbaycan xalqı öz azadlığı və müstəqilliyi uğrunda çox sayda şəhid verdi. Lakin onun iradəsi sınmadı və milli ruhu sarsılmadı. Həmin qırğın zamanı ümummilli mənafelərin müdafiəsi naminə canlarından keçmiş və şəhidlik zirvəsinə ucalmış Vətən övladları misilsiz fədakarlıqları ilə xalqımızın qəhrəmanlıq salnaməsinə yeni parlaq səhifə yazdılar.

Hər il 20 Yanvar Azərbaycanda Ümumxalq Hüzn Günü olaraq qeyd edilir.
Сегодня, 12:12
Ruslan Əliyev: "İşinə məsuliyyətlə yanaşan, zəhmət çəkən hər bir nümunəvi işçinin əməyi qiymətləndirilir
Сегодня, 11:51
ADAU-da hansı işlər çevrilir? - İDDİA
Сегодня, 11:36
Əvvəlcə yeyib-içdilər, sonra çölə çıxarıb ürəyindən bıçaladı - Bakıdakı qətlin təfərrüatı
Сегодня, 11:32
Əsgərlikdə ola-ola Bakıda avtoşluq etdi - MN məlumat yaydı - VİDEO
Сегодня, 11:27
Müsəlman Birliyi Hərəkatının üzvlərinin döyülməsi ilə bağlı xəbərə - DİN-dən reaksiya - Foto
Сегодня, 11:23
DYP-dən sürücülərə MÜRACİƏT
Сегодня, 11:11
Azərbaycan nefti bahalaşdı: 123 dollara yaxınlaşır
Сегодня, 11:07
Ağdam şəhəri üçün “Ağıllı su” layihəsi hazırlanır
Сегодня, 11:04
Rusiya Ukraynada üç aya SSRİ-nin Əfqanıstandakı doqquz illik aqibətini yaşadı
Сегодня, 10:45
Zakir Həsənov “Qaraheybət”də: Tapşırıqlar verdi - VİDEO
Сегодня, 10:42
Sanksiyalara baxmayaraq, rubl niyə möhkəmlənir? - Putindən AÇIQLAMA
Сегодня, 10:37
Zəngəzur dəhlizi reallaşır: 1 trilyonluq iqtisadiyyatları birləşdirəcək
Сегодня, 10:33
Küləkli və yağışlı hava nə vaxta qədər davam edəcək?
Сегодня, 09:30
Zelenski: “Vasitəçilərlə görüş istəyim yoxdur, Putindən başqa heç kimi qəbul etmirəm”
Сегодня, 09:00
Prezident Brüssel görüşündə Zəngəzur dəhlizi ilə bağlı razılığın əldə olunduğunu bildirib
Вчера, 22:27
Azərbaycan-Ermənistan dövlət sərhədinin delimitasiyası üzrə Dövlət Komissiyası yaradıldı
Вчера, 16:04
Şahin Məmmədov rayon sakinlərinin daim etibarını qazanıb - ÖZƏL
Вчера, 16:00
“Qarabağ”ın Çempionlar Liqasındakı bütün rəqibləri bilindi
Вчера, 15:59
Əbülfət Qocayev: Azərbaycanın dünya miqyasında nüfuzu ilbəil möhkəmləndirilir
Вчера, 15:48
Saleh Məmmədov: Azərbaycanı müasir infrastruktur təminatına malik ölkəyə çevirməklə bağlı strategiyada yol infrastrukturunun yenilənməsinə xüsusi önəm verilir
Вчера, 15:30
Şuşa Real Məktəbi belə olacaq - VİDEO
Вчера, 13:39
Keşlədə etirazlara səbəb olan gecə klubu fəaliyyətini dayandırdı
Вчера, 13:35
Şanxay Əməkdaşlıq Təşkilatının Baş katibi Prezident İlham Əliyevi təbrik edib
Вчера, 13:31
Son görüş hansı nəticələr vəd edir? - ŞƏRH
Вчера, 13:22
Rüstəm Muradov Ukraynada yaralandı, bacısı oğlu öldü - FOTO
Вчера, 12:19
“Taliban” Bakıdakı səfirliyə məktub göndərdi
Вчера, 12:08
Cəlilabadda məktəbdə 1-ci sinif şagirdinin ölümünə görə ustaya cinayət işi açılıb