intertv.az
intertv.az

Cəlilabadda təhsil talanı: faktlar və müavinlə direktorun vəzifə davası

24-07-2015, 12:19 148 dəfə baxılıb

Cəlilabadda təhsil talanı: faktlar və müavinlə direktorun vəzifə davası

















Təhsilimiz gələcəyimizin inkişafını müəyyən edən ən başlıca amillərdən biridir. Təhsil sahəsi nə sənayedir, nə kənd təsərrüfatıdır, nə də ticarətdir

Bu, cəmiyyətin xüsusi, intellektual cəhətini əks etdirən sahədir. Amma çox təəssüflər olsun ki, Cəlilabad rayonunda təhsil, biznes sahəsinə, ticarətə çevrilib. Ölkə büdcəsindən təhsilə ayrılan pulların mənimsənilməsi, təhsil vəzifələrinin savadsız və səriştəsiz insanlara icarəyə verilməsi, gələcəyimizin satıldığına bariz nümunədir. Məsələn ötən illərdə Cəlilabad rayon təhsilinə ayrılan pulların böyük qismi həddindən artıq şişirdilmiş rəqəmlərə özlərinə yaxın şirkətlər vasitəsilə mənimsənilmişdir.
Cəlilabad təhsilində baş verən qanunsuzluqlarla bağlı dəfələrlə yazmışıq. Bu dəfə isə cumhuriyyet.az-a daxil olan məlumatda, bu rayonun təhsil sistemində ciddi maliyyə maxinasiyalarından bəhs olunur: “Əsaslı təmir adı ilə 197. 006 (yüz doxsan yeddi min altı) manatının “Murad İnşaat” MMC vasitəsi ilə sərf olunduğu sənədləşdirilib. Halbuki rayon məktəbləri əsaslı təmir deyil, məktəb direktorlarının şəxsi vəsaiti hesabına cuzi kosmetik təmir olunmuşdur. Bundan başqa 620. 000 (altı yüz iyirmi min) manat pulun isə “NAN” MMC ilə birlikdə guya məktəb invertarlarına xərcləndiyi sənədləşdirilmişdi. Məktəb direktorları isə sənədlərdə göstərildiyindən çox az miqdarda, standartlara uyğun olmayan və keyfiyyətsiz invertarları aldıqlarını təsdiq edən sənədləri imzalayıb möhürləməyə məcbur edilmişdir. Sənədlərdə 234497 manat pul ” Orxan müəssəsi” MMC ilə birlikdə maşın və avadanlıqların satınalınmasına xərcləndiyi göstərilir .Laboratoriya avadanlıqlarının satın alınması üçün “Bəyli-93″ MMC şirkəti ilə anlaşan şöbə müdiri bu əməliyyatdan 147539 manat mənfəət əldə edildiyi göstərilir”.
Bütün bu faktlarla bağlı cumhuriyyet.az-ın elektron poçtuna göndərilən məlumatda bildirilir ki, Cəlilabad RTŞ -nin işçilərinin çoxu dövlət qulluğuna imtahan vermədən Vidadi Dövlətova rüşvət verərək vəzifələr almışdılar: “Cəlilabad rayon məktəblərinin böyük bir qismində də Təhsil Nazirliyinin xəbəri olmayan və təsdiq olunmamış, rüşvətlə direktor olanlar var. Bunların bəziləri aşağıdakılardır:
1. Cəlilabad şəhər 2 saylı
2. Cəlilabad şəhər 7 saylı ( Bu məktəb ən çox şagird ölümü olan məktəbdir )
3. Cəlilabad şəhər 5 saylı ( Təhsil Şöbə müdirinin qohumu)
4. Göytəpə şəhər 2 saylı
5. Göytəpə şəhər 3 saylı
6. Privolni 1 saylı
7. Privolni 2 saylı
8. Sabirabad kənd 1 saylı
9. Muğan kənd
10. Komanlı kənd
11. Bəcirəvan
12. Maşlıq
13. Kürdlər
14. Musalı
15. Xəlilli
16. Uzuntəpə
17. Məmmədrzalı
18. Şiləvəngə
19. Abışabad
20. Cəlayir
21. Abazallı
22. Xanagəh
23. Soltankənd
24. Astanlı
25. Şabanlı
26. Dələli
27. Hasıllı
28. incilli
29. Hacıcavad
30. Ağusəm
31. Alar 2 sayl ( 65 yaşı iki ildir tamam olduğuna baxmayaraq çıxmamışdır)
32. Üçtəpə

Cəlilabad RTŞ-nin digər gəlir yer isə məktəblərdə olan adları olub özləri olmayan müəllim, texniki işçilər və lobarantlardır. Məktəblərdən müxtəlif adlarda toplanan iyanələr öz yerində. Məktəb direktorları isə dərs saatlarını müəllimlərin adlarına yazıb pulunu özləri mənimsəməklə yanaşı , saxta büllüten və seçki komissiya üzvü olan müəllimlərin dərsləri başqa müəllimlərin adına yazılaraq özləri tərəfindən deyilərək pulu direktorla müəllim arasında bölünür.
Ən karlı biznes növünə çevrilən təhsilimizdə məktəb direktoru olmaq üçün şəhər məktəblərinə 15-20 min, kənd məktəblərinə isə 3-5-8 min manat pulun müəyyənləşməsidir. Çoxsaylı şikayətlərin olmasına baxmayaraq vəzifəni daha qarantiyalı etmək istəyirsinizsə Cəlilabad RİH -ilə iş görmək tövsiyə olunur. Rayon İcra Hakimiyyətinin krişalığı daha qarantiyalıdır. Ən çox şikayət olunan Cəlilabad 7 saylı, Göytəpə 1 və 2 saylı məktəbləridir. Bu məktəblərin içərisində ən çox şikayət olan Göytəpə 1 saylı tam orta məktəbin direktoru Reyhan Cəfərovanın mətbuatda yayılan cinayəti etiraf edən səs yazıları və “İlin ən yaxşı məktəbi ” olduğuna görə aldığı 10 min manatı yeməsi fakti ört basdır edilir. Bir sözlə Təhsil Nazirliyinin Cəlilabad rayon təhsilinə gücü çatmır. Cəlilabad RTŞ müdiri Vidadi Dövlətov hələ işindən çıxarılmasada onun yerinə Rayonda “sələmçi” kimi tanınan, hal hazırda Cəlilabad rayon İcra Hakimiyyətinin Humanitar məsələlər üzrə müavini Dürdanə Əliyeva və hələlik adını çəkmək istəmədiyimiz Üçtəpə kənd məktəbini bərbad vəziyətə qoyan direktor arasında mübrizə onu göstərir ki, Cəlilabadda təhsilin düzəlməsinə ümüd yoxdur”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SOSİAL
DÜNYA