intertv.az
intertv.az

Hakimiyyətdən kabel televiziyalarının bəzilərini bağlamağa hazırlıq - Şok adlar

11-05-2017, 05:46 144 887 dəfə baxılıb

Hakimiyyətdən kabel televiziyalarının bəzilərini bağlamağa hazırlıq - Şok adlar

















Azərbaycanda kabel televiziyalarına nəzarət gücləndirilir

Onlardan bəzilərinin bağlanmasına hazırlıq gedir.

Artıq rəsmi açıqlama da var. “Kabel televiziyası sahəsində qeyri-qanuni yayımla məşğul olan insanlar var ki, onlara yayımçı da demək olmaz, sadəcə sahibkarlar öz binalarının içərisində qeyri-qanuni kabel şəbəkəsi yaradıblar. Belə hallar kütləvi xarakter alıb". Bunu jurnalistlərə açıqlamasında Milli Televiziya və Radio Şurasının sədri Nuşirəvan Məhərrəmli deyib.

N.Məhərrəmli bildirib ki, sözügedən problemi tək Milli Televiziya və Radio Şurası yox, digər qurumlarla birlikdə həll etmək mümkündür:

"Kabel televiziyası haqqında” qanun qəbul olunandan sonra bu sahədə tədbirlər daha da sərtləşəcək. Söhbət ilk növbədə cərimələrin tətbiqindən gedir.

Bundan əlavə qanuna əsasən, qeyri-qanuni sahibkarlıq fəaliyyətinə qarşı mübarizə çərçivəsində tədbirlər görüləcək. Qanun layihəsi mayın 16-da Milli Məclisdə müzakirəyə çıxarılacaq”.

Ulus.Az xəbər verir ki, müstəqillik qazandıqdan sonra Azərbaycanda üç dövlət, İctimai tv və 6 özəl televiziya şirkətləri yaranmağa başladı.

Həmçinin efir-kabel və kabel tv şirkətləri də yarandı. Hazırda Azərbaycanda “B&B TV”, “SNTV”, “KATV1”, “Albax TV”, “DigiCom”, “Ailə TV”, “Connect”, “Smart TV Plus” və “ATV Plus” xidmət göstərir.

Ötən ilin sentyabrın 1-dən etibarən Azərbaycanda fəaliyyət göstərən bütün kabel televiziyaları operatorları qiymətləri artırıblar. Belə ki, şirkətlər 9 manat olan baza paketini 10 manata qaldırıblar.

Kabel televziyaların rəsmiləri o zaman bildirdilər ki, qiymətlərin artması ilə yanaşı, xidmət keyfiyyəti və baza paketində kanal sayı da artırılacaq. Bu, əslində, abunəçilər üçün daha sərfəli versiya olacaq.

Abunəçilər üçün paket seçimi imkanı tanımırlar. Bəlli paketi təqdim edirlər. Təəssüf ki, Azərbaycan dilli yayım məhdudur və rus dilli yayımı paketə çox daxil edirlər. Bu da effektiv deyil. Çünki bu kanalları say artırmaq üçün paketə daxil edirlər.

Bu gün kabel televiziyası sahəsinə dövlət nəzarəti sıfır səviyyəsindədir. Prosedur və qayda yoxdur ki, hansı əsasla kabel televiziyası kimlərin seçimini edə, hansı yayımçılar yayımı apara bilər. Təəssüf ki, bəzən abunəçiyə xəbər vermədən, onunla razılaşma aparmadan kanalların yayımı dayandırılır.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SOSİAL
DÜNYA