intertv.az
intertv.az

Bakıda ərəblərin olduğu avtomobil qəzaya uğradı – Yaralılar var

17-07-2019, 18:52 15 dəfə baxılıb

Bakıda ərəblərin olduğu avtomobil qəzaya uğradı – Yaralılar var

Bakının Nərimanov rayonunda iki avtomobil toqquşub.

APA-nın məlumatına görə, hadisə metronun “Gənclik” stansiyasının yaxınlığında baş verib.

27 yaşlı Rəhimov Kənan Zöhrab oğlunun F.Xoyski küçəsilə idarə etdiyi “Peugeot” markalı minik avtomobili yol hərəkəti qaydasını pozaraq əks yola çıxıb və “Niva” markalı avtomobillə toqquşub. Nəticədə “Peugeot”nun sürücüsü K.Rəhimov və “Niva”nın adı hələlik bəlli olmayan sürücüsü xəsarət alıb. Hər iki yaralı dərhal xəstəxanaya yerləşdirilib.

İkinci sürücünün vəziyyəti daha ağırdır. Baku.ws yazır ki, avtomobildə ərəb turistlər də olublar. Onların da yüngün xəsarət aldıqları bildirilib.

Əraziyə Nərimanov Rayon Yol Patrul Xidmətinin əməkdaşları cəlb olunub. YPX əməkdaşları ərazidə başqa hadisənin baş verməməsi üçün tədbirlər görüb. Faktla bağlı araşdırmalar aparılır.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SOSİAL
DÜNYA