intertv.az
intertv.az

Göyçayda başçı qohumunun harınlamış əməlləri: Ulu öndərin büstü hara aparılıb? - Məktub

17-12-2018, 08:02 63 dəfə baxılıb

Göyçayda başçı qohumunun harınlamış əməlləri: Ulu öndərin büstü hara aparılıb? - Məktub















Göyçay 2ildir ki, qara günlərini yaşayır. Bu fikri bir qrup rayon sakini Cahan.info-ya göndərdiyi məktubda yazıb.

Onların sözlərinə görə, Mehdi Səlimzadə icra başçısı təyin olunan gündən diplomlu-diplomsuz qohum-əqrəbasına vəzifə paylayıb. Vəzifə verilənlərdən biridə qardaşı oğlu Səməd Cəbrayılovdur.

Sakinlər qeyd edirlər ki, Bakıda 5 bıçaq zərbəsi almış və ölümün pəncəsindən son anda qurtarmış Səməd əmisinin hesabına Göyçay Gənclər Mərkəzinə müdir təyin edilib.

“Bir neçə ay sonra isə Göyçay İcra Hakimiyyətinin kadrlar şöbəsinə vəzifəyə təyin olundu. Gəldiyi gündən idarələrdən və sahibkarlardan qanunsuz olaraq xərac yığmağa başladı. Rayonda boş torpaq və vəzifə qalmadı ki, Səməd tərəfindən satılmasın.

Rayonda satılası yerlər qalmadığından əvvəllər işlədiyi Gənclər Mərkəzində yerləşən Ulu Öndərin büstünü satıb.Göyçay Gənclər Mərkəzinin reklam çarxına yutubda baxsanız, bahalı daşlardan hazırlanmış büst görəcəksiniz.

Ancaq bu gün gedib canlı baxsanız büst yerində yoxdur. Şahidlərin dediyinə görə həmin büst xaricdə baha qiymətə hazırlanıb.

Ancaq Ulu Öndərə və cənab Prezidentə hörmət qoymayan bu gənc görəsən belə cürəti haradan alıb ki, bu büstü satıb? Deyilənlərə görə büstü imkanlı şirkətlərdən biri baha qiymətə alıb”.

Cahan.info xəbər verir ki, sakinlər bu şəraiti icra hakiminin yaratdığını məktubda bildiriblər. Onların dediyinə görə, Göyçayda uçan körpüyə baxış keçirilərkən RİH I müavini İkram Vəliyev körpüyə tərəf getməməyi bildirdikdə, Səməd Cəbrayılov bunu özünə qarşı hörmətsizlik kimi qəbul etmiş, hətta üstünə şığıyıb nalayiq sözlərlə təhqir edərək vurmaq istəmişdi.

Ancaq ərazidə olan Göyçay polis rəisi və müavini aranı sakitləşdirmişdilər. Bu məsələdən M.Səlimzadə agah olanda İ.Vəliyevi çağıraraq qardaşı oğlundan üzr istədibmiş. Doğurdan da, rüsvayçılıqdır.

Sakinlər yazır: “Bu hadisədən bir ay qabaq Səmədin bələdiyyədə işləyən “pinqvin” ləqəbli qardaşı Əli Göyçay Post Patrul Xidməti rəisin aşağılamışdı. Səmədin müdaxiləsindən sonra Əlidən üzr istənilmişdi.

Hətta rayonda gəzən şayiələrə görə, bu yaxınlarda satışa çıxarılmış Göyçay Uşaq Xəstəxanasının yardımçı binalarını sökən və sonda həbs edilən 7 nəfərdən 3 nəfəri Səmədlə yaxın münasibətinə görə azadlığa buraxılıb.

O, bu yaxınlarda Göyçay 5 saylı məktəbin direktoru Nüşabə müəlliməni təhqir etmişdir ki, vəzifədən istefa ver, müavin işləyən Telli adlı bacım direktor keçsin.

Telli Cəbrayılova Təfəkkür Universitetini bitirmiş və 5 saylı məktəbdə texniki işçi kimi çalışır. Əmi başçı təyin olunandan sonra onu direktor müavini qoydurub. Bütün bunların nəticəsidir ki, artıq Səmədin 4-5 maşını, Bakıda, Qəbələdə villalarıvə bir çox obyektləri var.

Biz prezidentdən xahiş edirik ki,harınlamış məmur qohumu haqda ciddi tədbir görəsiniz, Ulu Öndərimizin satılmış büstü geri qaytarılsın”.

Bütün tərəflərin mövqeyini dərc etməyə hazırıq.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SOSİAL
DÜNYA